Gin kr Durood pak wird kerna

*بہت سارے لوگوں کے ذہنوں میں یہ بات ہوتی کہ ہمیں گن کر درود پاک نہیں پڑهنا چائیے بلکہ لا تعداد درود پاک پڑهنا چائیے. 

اللہ کے نیک بندے جنکا کوئی سانس کوئی پل۔زکر۔و۔درود۔سے خالی نہی ھوتا انکے لیے تو ٹھیک ۔۔۔ورنہ تو یہ شیطان کا سب سے سخت وسوسہ ہے دیکهیں اسے ہماری روحانیت کا پتہ ہے.اسےمعلوم ہے.کہ یہ شخص اتنا نیک نہیں ہے.کہ سارا دن ذکر اللہ کرتا رہے گااسے معلوم ہے اگر یہ بغیر گنے درود پاک پڑهے گاتو تهوڑی دیر درود پاک پڑهے گا.پهر کسی کام میں مصروف ہو جائے گاکسی کے ساتھ باتوں میں مشغول ہو جائے گا.اس کا درود پاک کم پڑها جائے گا.اسے معلوم ہے اگر اس نے گن کر درود پاک پڑهاتب تو یہ تعداد فکس کر لے گا.تو اب تب تک یہ چین سے نہیں بیٹهے گا.جب تک اپنا فکس کی ہوئی تعداد پوری نہ کر لے.تب تک سوئے گا نہیں جب تک اپنا دن بهر کا وظیفہ نہ پورا کرلےاور گن کر پڑهناہمارے پیارےآقانبی پاکﷺ کی سنت مبارکہ ہےاحیا العلوم جلد اول صفحہ نمبر 900 پر حضرت امام محمد بن غزالی رحمتہ اللہ تعالیٰ علیہ حضرت عبد اللہ بن عمر رضی اللہ تعالیٰ عنہ سےیہ روایت نقل کرتے ہیں کہ حضرت عبد اللہ بن عمر رضی اللہ تعالیٰ عنہ فرماتے ہیں کی سرکار گن کر وظائف پڑها کرتے تهے.اور ہمارے بہت سارے بزرگان رحمتہ اللہ علیہ کا طریقہ چلا آیا ہے کہ وہ گن کر ذکر و ازکار پڑها کرتے تهے.*

عشق النبی صَلَّى اللّٰهُ عَلَيْهِ واٰلہٖ وَسَلَّمْ

Muhabat e Sarkaar ﷺ

الله کے محبوبﷺ کی محبّت ہی عطائے الٰہی ہے۔حضورِ اقدس ﷺسے محبّت ایمان کی اصل ہے 

دین کیا ہے عشقِ احمدﷺ کے سوا 

دین کا بس یہی ایک معیار ہے 

عشقِ مصطفیٰﷺ میں فراق بھی عطا ہے اور وصال بھی - حضورﷺ سے محبّت کرنے والے حضور ﷺکی امت کے ہر فرد سے محبّت کرتے ہیں ،امت کی فلاح کی دعائیں مانگتے ہیں ،حضورﷺ کے کوچہ کی گدائی کو اپنے لئے تاجِ شاہی سمجھتے ہیں ۔

حضور ﷺکے ارشاد کو حرفِ آخر سمجھتے ہیں - 

حضورﷺ کے طالب اس کائنات کو آئینہِ جمالِ مصطفےٰﷺ سمجھتے ہیں اور جمالِ مصطفےٰﷺ کو پرتوِ انوار ِکبریا سمجھتے ہیں ۔

حضرت واصف علی واصف رح۔۔۔۔۔  

——————————————————-

(کتاب :۔ کرن کرن سورج)

🌺🌸

Hoze Kosar

تفسیر روح البیان میں علامہ شیخ اسماعیل حقی حقی قدس سرہٗ فرماتے ہیں۔ حوض کوثر جنت میں ہے۔۔۔عرش عظیم پر لکھا ہے 

بِسْمِ اللّٰهِ الرَّحْمٰنِ الرَّحِيْمِ ۞ 

"بِسْمِ" کی 'م' سے پانی کا چشمہ، "اللّٰهِ" کی 'ہ' سے دودھ کا چشمہ، "الرَّحْمٰنِ" کی 'م' سے شرابًا طہورًا کا چشمہ، اور "الرَّحِيْمِ" کی 'م' سے شہد کا چشمہ جاری ہے اور پھر چاروں مل کر حوضِ کوثر میں آگرتے ہیں اور یہ حوضِ کوثر قیامت کے روز مومنین کی پیاس بجھانے کے جنت سے میدانِ محشر میں لایا جائے گا اور پھر جنت میں منتقل کر دیا جائے گا اور درود شریف پڑھنے والے اس سے سیراب ہوں گے اور زم زم کا مقدس چشمہ تا قیامِ قیامت کعبۃ اللہ کے صحن میں مومنین کو سیراب کرتا رہے گا اور حوضِ کوثر ابدُالآباد رہے گا

سرخ کیڑا

ایک دن ابوجہل مسجد الحرام کے دروازے کے پاس آ بیٹھا رسول پاک صلی اللہ علیہ وسلم مسجد سے باہر تشریف لائے تو ،

ابوجہل نے اپنا ہاتھ آستین سے باہر نکالا، اور کہنے لگا ، کہ یا محمد صلی اللہ علیہ وسلم بتائیے کے میری مٹھی میں کیا ہے ? اگر آپ صلی اللہ علیہ وسلم نے صحیح جواب دیا تو میں اپنے ساتھیوں سمیت آپ صلی اللہ علیہ وسلم پر ایمان لے آونگا

حضور پرنور صلی اللہ علیہ وسلم نے فرمایا کہ تیرے ہاتھ میں ایک ڈبیا ہے جو ٹاٹ کے کپڑے میں لپٹی ہوئی ہے ڈبیا کے اندر تین موتی ہے

ایک سوراخ شدہ ہے ہے دوسرا آدھا سوراخ شدہ اور تیسرا بغیر سوراخ ہے اس ڈبیا میں ایک لعل بھی ہے

جس کے اندر ایک سرخ کیڑا ہے کیڑے کے منہ میں ایک سبز پتہ ہے ابوجہل کہنے لگا کہ یہ سب تو ٹھیک ہے ،

لیکن سرخ کیڑے اور سبز پتے کا علم کیسے ہو ?

آپ صلی اللہ علیہ وسلم نے فرمایا کہ لعل توڑ دو ۔ معلوم ہو جائے گا ۔ ابوجہل کہنے لگا کہ میں اس قیمتی لال کو کیسے توڑ دوں ?

ایک صحابیؓ وہاں کھڑے کہنے لگے کہ اپنے لعل کی قیمت لگا کر اسے توڑ دو اگر رسول اکرم صلی اللہ علیہ وسلم کی بات معاذاللہ درست نہ ہوئی تو لال کی قیمت میں ادا کروں گا ابوجہل اس پر راضی ہو گیا 

جب لعل توڑا گیا ، تو سب نے دیکھا کہ اس میں ایک سرخ کیڑا منہ میں سبز پتہ لیے ہوئے موجود تھا

رسول پاک صلی اللہ علیہ وسلم نے نے اس کیڑے سے دریافت فرمایاکہ تم کب سے اس لال میں ہوں ? کیڑے نے پہلے آپ صلی اللہ علیہ وسلم کی خدمت میں سلام عرض کیا ،

پھر کہا کہ مجھے معلوم نہیں لیکن اللہ تعالی مجھے روزانہ تین سبز پتے عطا فرماتا ہے آپ صلی اللہ علیہ وسلم نے فرمایا کہ تیرا ذکر اور تسبیح کیا ہے ?

کیڑے نے جواب دیا کہ خدا نے مجھے روزانہ دس مرتبہ آپ صلی اللہ علیہ وسلم پر درود بھیجنے کا حکم دیا ہے

جس کی برکت سے وہ مجھے روزی فراہم کرتا ہے

تعالی قرآن پاک میں فرماتے ہیں

بیشک اللہ اور اس کے فرشتے آپ صلی اللہ علیہ وسلم پر درود و سلام بھیجتے ہیں پس ! اے ایمان والو تم بھی آپ صلی اللہ علیہ وسلم پر درود و سلام بھیجا کرو 

۔

صلی اللہ علی حبیبہ سیدنا محمد وآلہ واصحابہ وسلم

حضور جو لوگ مر جاتے ہیں جب ہم ان کو یاد کرتے ہیں تو کیا وہ ہمارے خیال سے آگاہ ہوتے ہیں

سوال:-

حضور جو لوگ مر جاتے ہیں جب ہم ان کو یاد کرتے ہیں تو کیا وہ ہمارے خیال سے آگاہ ہوتے ہیں

جواب: 

آپ اس وقت تک ان لوگوں کو یاد نہیں کر سکتے جب تک وہ خود نہ چاہیں

" جن کو آپ یاد کر رہے ہوں تو اصل میں وہ آپ کو یاد کر رہا ہوتا ہے "

" مثلاََ آپ " یہاں کسی دوست کو یاد " کر رہے ہوں 

" تو وہ وہاں " آپ کو یاد " کر رہا ہوتا ہے "

 " اگر آپ" درود شریف پڑھیں" تو" وہ وہاں پہنچ " جاتا ہے "

 تو روحوں کے اس دنیا کے ساتھ تعلق کا اتنا بین ثبوت ہے کہ 

ہماری یہ ساری دنیا ماضی کا ریکارڈ ہے آپ کے پاس ماضی کے علاوہ ہے ہی کچھ نہیں 

: آپ کا کلمہ ماضی کا ہے

: آپ کی جتنی دعائیں ہیں ساری ماضی کے لوگوں کے لئے ہیں 

: آپ کا سارا علم ماضی کا ہے آپ جس کی تاریخ پڑھتے ہو اسے قریب سے تو نہیں دیکھا یہ سارا ریکارڈ ہے ماضی کا

 لکھنے والے کا اپنی تحریر کے ساتھ تعلق ہو سکتا ہے کہ آپ کو چودہ سو سال بعد (یاعلی علیہ السلام )یاد رہ جائیں تو ثابت یہ ہوا

 کہ 

:"اگر وہ آپ کو یاد ہیں تو آپ انہیں یاد ہیں "

: اور آپ انہیں پکار رہے ہیں تو وہ بھی آپ کو یاد کر رہے ہیں 

: تو آپ جس کو پکارتے ہو وہ پکارنے کی اجازت دیتا ہے

: جس کو وہ اختیار نہ دے وہ پکارتا نہیں ہے "

اس لئے لوگ یا علی(علیہ السلام)نہیں پکارتے سارے لوگ داتاؒ دربار جا کر داتا صاحب (رحمۃ اللّٰہ علیہ) کو نہیں پکارتے اور وہاں جانے کے باوجود نہیں پکارتے صحیح جاننے والے کو صحیح علم ملتا ہے تو جن کو یاد کریں ان کو علم ہوتا ہے

 کہ 

" آپ انہیں یاد کر رہے ہیں اور آ کر اپنی یاد آپ ہی جگاتے ہیں '

" ورنہ زندگی میں ماں باپ زندہ ہوتے ہیں اور انسان یاد نہیں کرتا

" اور پھر گزرے ہوؤں کو یاد کرتا رہتا ہے یہ تقرب جب بھی ملے اچھی بات ہے "

بلکہ آپ یہ بات یاد رکھنا کہ گزری ہوئی تاریخ جس وقت آپ کے علم میں آ رہی ہوتی ہے تو اصل میں وہ اسی وقت گزر رہی ہے

: مثلاََ کربلا ایک ایسا واقعہ ہے جو گزر گیا ہے اور اگر آپ نے اب پڑھا ہے تو یہ آپ پر اب گزر رہا ہے پانی پت کی لڑائی جو ہے اگر آج پڑھیں تو یہ آج ہو رہی ہے

" واقعہ تب ہوتا ہے جب آپ کو علم ہوتا ہے "

اللہ تعالیٰ کے سامنے جب آپ کا سجدہ ہوتا ہے تب آپ کو علم ہوتا ہے آپ کے آگے پیچھے بھی اللہ تعالیٰ ہے لیکن آپ کا اصل تعلق سجدے کے ساتھ ہے

: آپ سادگی اختیار کرو خوش رہا کرو کامیاب رہو "

: جس کو ٹھیک کر سکتے ہو ٹھیک کر لو '

: جس چیز کو ٹھیک نہیں کر سکتے اس پہ راضی ہو جاؤ "

: اس سے گزارہ کر لو یہ چار دن کا میلہ ہے اسے دیکھتے جاؤ ۔ '"

سرکار امام حضرت امام واصف علی واصف رحمتہ اللہ علیہ

گفتگو والیم 5 صفحہ نمبر 504

Durood Pak ka Meaning

درود شریف عربی کا نہیں فارسی کا لفظ ہے. عربی میں اس کا متبادل لفظ ' الصلاة على النبي' ہے. اگر درود شریف کا جائزہ لیا جائے تو یہ امر کھل کے واضح ہوجاتا ہے کہ یہ اپنے معنوں اور حقیقت دونوں کے اعتبار سے ایک دعا ہے. ایک ایسی دعا جس میں ہم رب کائنات سے یہ التجا کرتے ہیں کہ وہ رسول اکرم (صَلَّى اللّٰهُ عَلَيْهِ واٰلہٖ وَسَلَّمْ) پر مزید رحمتیں اور برکتیں نازل فرماییں. دعا ہمیشہ مانگی جاتی ہے پڑھی نہیں جاتی. افسوس یہ ہے کہ ہمیں درود پڑھنا تو سکھا دیا گیا لیکن مانگنا کسی نے نہ سکھایا. ضرورت ہے اس امر کی کہ درود کے الفاظ ادا کرتے ہوے یہ حقیقت ملحوظ رہے کہ ہم اپنے پروردگار سے دعا مانگ رہے ہیں. یہ سوچ ان الفاظ میں اپ کی دلچسپی اور لطف دونوں بڑھا دیگی. ایک اور پہلو جو ہماری توجہ کا طالب ہے وہ یہ کہ جب ہم اس درود میں ' آل رسول ' کا ذکر کرتے ہیں تو اس سے مراد محض آپ (صَلَّى اللّٰهُ عَلَيْهِ واٰلہٖ وَسَلَّمْ) کا خاندان نہیں ہوتا بلکے اپنے وسیع معنوں میں یہ لفظ تمام امت رسول (صَلَّى اللّٰهُ عَلَيْهِ واٰلہٖ وَسَلَّمْ) کا احاطہ کرتا ہے. یہ قرآن اور عربی دونوں کا اسلوب ہے کہ لفظ ' آل ' سے مراد قبیلہ یا امّت بھی ہوتا ہے. اسی لیے قرآن پاک میں جب فرعون کے ماننے والو کا ذکر ہوا تو انہیں ' آل فرعون ' کہہ کر مخاطب کیا گیا. لہٰذا آئندہ جب ہم درود میں آل رسول صَلَّى اللّٰهُ عَلَيْهِ واٰلہٖ وَسَلَّمْ کا ذکر کریں تو یہ جانتے ہوے کریں کے اسمیں رسول (صَلَّى اللّٰهُ عَلَيْهِ واٰلہٖ وَسَلَّمْ) کے خاندان والے بھی شامل ہیں اور تمام امتی بشمول میں خود بھی شامل ہوں.

واللہ عالم بالصواب.

قدرت اللہ شہاب

اَلَّلهُمَّ صَلِّ عَلَی مُحَمَّدٍوَّ عَلَی آلِ مُحَمَّدٍوَ سَلِّم 

اَلصّلٰوةُ وَالسّلَامُ عَليْكَ يَا سَيّدي يا رَسولَ الله و علٰي اٰلِكَ واَصْحٰابِكَ يَا سَيّدي يا حَبيبَ الله

مشاھدہ

ایک درود ممبر باجی جو *صل اللہ علیک یا محمد نور من نور اللہ*

اور یا رحمة للعالمین صَلَّى اللّٰهُ عَلَيْهِ و آلہ وَسَلَّم 

درود پاک پڑھتی ھین انھین اج حضرت عائیشہ صدیقہ ؓ  حضرت فاطمہؓ  حضور خدیجہ ؓ اور حضرت زینب ؓ  کی زیارت ھوئی

محفل۔نعت مین اس ممبر بہن۔کو سب پاک ھستیوں۔نے اپنے پاس بیٹھایا اور ایک نور و موتیوں بھرا تاج عطاء  فرمایا  

اور یہ بھی۔فرمایا  او اب تمھے حضرت علیؑ   سے بیعت  کر واتے ھین کیونکہ۔ اقا کریم۔صَلَّى اللّٰهُ عَلَيْهِ وَسَلَّم   کے  علاوہ ولایت انہی سے۔جاری ھے جو سب سلسلوں میں جاتی ھے  سبحان۔ اللہ  یہ بہت مختصر یہاں میں خلاصہ لکھا ھے

ان۔بہن سے۔مزید پوچھا اپکا کوئی خاص عمل۔انکا۔جواب تھا :-*کہ اجکل۔سونے سے پہلے سب کو اللہ۔کی رضا کے لیے معاف کر۔کے سوتی ھوں*   کہ حس نے۔میرے ساتھ جو۔بھی کیا  کوئی بات نہہ سب کو۔اللہ کہ رضا کے لیے معاف کیا۔۔۔مزید انکا۔کہنا تھا اس سے اپنا زھن بھی سکون میں رھتا ھے *اور یہ کہ درود جب بھی پڑھتی ھون۔پوری توجہ۔سے پڑھتی ھوں*

سبحان اللہ  درود پاک پڑھنے۔والون۔کو کیا کیا برکتین حاصل ھوتی ھین اللہ پاک اپ سب ک نوازے امین

درود پاک کی فضیلت

Mushahida e Durood Pak

السلام عليكم 

آج خواب میں دیکھا کہ میں ایک میدان میں ہوں۔۔۔ اور ٹائم ظہر سے عصر کے درمیان کا ہے لیکن فل اندھیرا ہے جیسے رات ہو۔۔۔ اس میدان میں ایک جگہ ایسے روشنی تھی جیسے دپہر کے ٹائم آندھیاں چل رہی ہوں لیکن روشنی بھی ہو۔۔۔ میں ادھر جاتی ہوں تو آقا کریم صلی اللہ علیہ وآلہ وسلم زمین پر تشریف فرما ہیں اور میں ان کے لیفٹ طرف کھڑی ہوں۔۔۔ آقا کریم صلی اللہ علیہ وآلہ وسلم میری طرف متوجہ ہیں اور ان کے ہاتھ مبارک میں ایک جھنڈا ہے جو نارمل جھنڈے کی طرح تھا لیکن تلوار اور تیر لگنے سے ٹرائی اینگل میں رہ گیا تھا۔۔۔۔ آقا کریم صلی اللہ علیہ وآلہ وسلم وہ جھنڈا مجھے دیتے ہوئے کچھ فرماتے ہیں کچھ یاد ہے زیادہ تر نہیں ۔۔۔آقا کریم صلی اللہ علیہ وآلہ وسلم مجھے فرماتے ہیں کہ یہ الم تم اٹھاو۔۔۔۔ میں وہ جھنڈا لے لیتی ہوں اور میرے ذہن میں آتا ہے کہ علمبردار تو حضرت عباس علیہ السلام ہیں اور یہ جھنڈا بھی ان کا ہے تو میں ان کو ہی پکڑا دیتی ہوں۔۔۔ میں ان کو ڈھونڈتی ہوں تو مجھے ان کا مبارک ہاتھ نظر آتا ہے اور اس پر خون تھا وہ شہید ہو چکے تھے لیکن ان کا ہاتھ مبارک ایسے تھا جیسے جھنڈا پکڑتے وقت ہاتھ ہوتا ہے تو میں جھنڈا ان کے ہاتھ مبارک میں لگا دیتی ہوں کہ یہ تو ان کا ہے۔۔۔ پھر کوئی آتا ہے جھنڈا لے کر جانے لگتا ہے تو آقا کریم صلی اللہ علیہ وآلہ وسلم ان کو بلاتے ہیں ان سے جھنڈا لے کے پھر مجھے بلاتے ہیں اور پھر سے مجھے جھنڈا پکڑا دیتے ہیں اور فرماتے ہیں کہ یہ جھنڈا تم اٹھاو تو میں لے لیتی ہوں اور میرے زہن میں آتا ہے کہ یہ تو بہت ہی بڑی زمہ داری ہے پتا نہیں میں پوری کر سکوں گی کہ نہیں ۔۔۔ پھر آقا کریم صلی اللہ علیہ وآلہ وسلم دوبارہ مجھ سے کچھ فرماتے ہیں ۔۔۔الفاظ یاد نہیں لیکن لہجہ مبارک دو ٹوک۔۔۔ جیسے فیصلہ کر لیا ہو۔۔۔ اور پکا ارادہ اور بے حد مظبوط یقین اور پختہ لہجہ مبارک تھا۔۔۔ 

پہلے جیسے دل سے دل میں زیادہ تر بات ہوتی تھی لیکن اس بار آقا کریم صلی اللہ علیہ وآلہ وسلم نے منہ مبارک سے الفاظ کا بھی استعمال کیا تھا اور آواز مبارکہ کا بھی۔۔۔۔

لیکن مبارک چہرے پر بہت دکھ کے آثار تھے اور مٹی مبارک پر ہی تشریف فرما تھے۔۔۔ تو میں کہتی ہوں کہ یہ تو کربلا ہے۔۔۔۔۔ میدان کربلا ہے۔۔۔ پھر ذہن میں آتا ہے کہ کل ایک لڑکی پر کرم پڑھا تھا جس کو خواب میں قلندر ہونے کی بشارت ملی تھی۔۔۔۔ اس کا مقام اونچا پڑھا تھا۔۔۔۔ اور مقام مطلب زمہ داری۔۔۔۔ تو آقا کریم صلی اللہ علیہ وآلہ وسلم نے کچھ فرمایا تھا الفاظ یاد نہیں۔۔۔ لیکن آقا کریم صلی اللہ علیہ وآلہ وسلم سے جھنڈے کو لے کر کچھ فرمایا تھا اور زمہ داری کا زکر کیا تھا لیکن مجھے اصل الفاظ مبارک یاد نہیں ہیں۔

درود شریف

حضرت امام الدین میاں تاج محمد متوطن موضع شاہ اعظم مضافات تونسہ شریف لکھتے ہیں کہ ایک مرتبہ ایک نوجوان جس کا نام مقبول تھا جو کہ  بدقسمتی سے نابینا ہو گیا تھا 

فخرِ اولیاء حضرت خواجہ محمد بن سلیمان تونسوی رحمتہ اللہ علیہ کی خدمت میں یہ نوجوان حاضر ہوا اور عرض گزار ہوا کہ حضرت نابینا ہوں میرے لیے دعا فرمائیں کہ رب کریم مجھے روشنی چشم عطا کر دے

آپ رحمتہ اللہ علیہ نے فرمایا : میاں درود شریف پڑھا کرو

کہنے لگا غریب نواز ! درود شریف تو میں پہلے بھی پڑھتا رہتا ہوں

تب حضرت خواجہ رحمتہ اللہ علیہ نے فرمایا درود شریف ایسی چیز نہی ھے کہ تو پڑھے اور تیری آنکھوں کی روشنی واپس نہ آئے

چنانچہ اس نوجوان نے کثرت سے درود شریف پڑھنا شروع کر دیا اور جب نو لاکھ مرتبہ درود شریف مکمل کیا تو رب تعالی نے اسے بینائی لوٹا دی 

----------------------------------------

صلی اللہ علی محمد

حضور ﷺ ایسا کوئی انتظام ہو جاے

مشاہدہ درود پاک

السلام عليكم 

آج خواب میں  دیکھا کہ ایک بھیڑ لگی ہوئی ہے جیسے پریس کانفرنس ہو رہی ہے۔۔۔ سامنے 3 کرسی لگی ہوئی ہیں ایک پہ ڈاکٹر طاہر القادری ہیں  درمیان والی پہ وقاص ہے اور ساتھ والی پہ کوئی آقا کریم صلی اللہ علیہ وآلہ وسلم کی طرف سے آیا ہے اور ان کے ہاتھ میں دو دستار ہیں ۔۔۔ اور قادری صاحب لوگوں کو بتا رہے ہیں کہ 

یہ آقا کریم صلی اللہ علیہ وآلہ وسلم کی طرف سے تشریف لائے ہیں اور وقاص کی دستار بندی کریں گے اللہ نے ان دونوں کو بڑا مقام دیا ہے ان دونوں کو آج دستار باندہ کے آقا کریم صلی اللہ علیہ وآلہ ھدی کے رنگ میں رنگ دیا جائے گا۔۔۔ پھر سب کھڑے ہو جاتے ہیں درود و سلام پڑھتے ہیں اور وقاص کی دستار بندی کرتے ہیں ۔۔۔  میں دیکھ دیکھ کے خوشی سے رو رہی ہوتی ہوں اور وقاص کے لئے دعائیں کر رہی ہوں ۔۔۔  پھر میں نے دیکھا کہ وہ آدمی جو دستار لے کے آئے ہیں وہ میرے پاس آتے ہیں اور ایک سوٹ دیتے ہیں عبایہ کی طرح ۔۔۔ سرمئی رنگ پہ گرین کلر کے بڑے بڑے پتے بنے ہیں اور وہ بہت ہی خوبصورت ڈریس ہے۔۔۔ وہ مجھے کہتے ہیں کہ یہ تمہارے لئے آقا کریم صلی اللہ علیہ وآلہ وسلم نے بھیجا ہے اور دوسری دستار میرے سر پہ باندھ دیتے ہیں ۔۔۔ اور میں حیران ہوں اور سب کو دیکھ رہی ہوں پر مجھے کوئی بھی نہیں  دیکھ رہا۔۔۔

پھر میں وقاص کو آواز دیتی ہوں کہ یہ دیکھو آقا کریم صلی اللہ علیہ وآلہ وسلم نے مجھے سوٹ بھیجا ہے تو وقاص کہتا ہے انتہائی خوبصورت ہے بہت ہی پیارہ ہے۔۔۔ اور یہ دوسری دستار تمہیں باندھ کے گئے ہیں قاصد ہمیں پتا ہی نہیں چلا۔۔۔ تو میں سوٹ پہ سے پتا اتار کہ ہاتھ میں ہکڑ کے دیکھ رہی ہیں ۔۔۔امی اور عائشہ بھی ادھر ہیں تو عائشہ کہتی ہے کہ آج شام کے لئے تیار نہیں ہونا باتیں ہی کرتے رہو گے۔۔۔ تو میں وقاص کو کہتی ہوں جا کے تیار ہو جاؤ میں نے تو بس یہ ہی پہننا ہے۔۔۔ تو وقاص نیچے چلا جاتا ہے میں چھت پہ ہوں تو ادھر آقا کریم صلی اللہ علیہ وآلہ وسلم تشریف لاتے ہیں ۔۔۔اور مجھے دیکھ کہ بہت مسکرا رہے ہیں ۔۔  مجھے فرماتے ہیں تیار ہو میرے رنگ میں رنگنے کے لئے ۔۔۔تو میں عرض کرتی ہوں دل میں کہ میں آپ کو یاد کر کے رو رہی تھی۔۔۔ تو آقا کریم صلی اللہ علیہ وآلہ وسلم کی مبارک آنکھوں میں چمک پیدا ہوتی ہے جو ان کے ہاتھوں مبارک میں آتی ہے اور وہ دونوں ہاتھ مبارک میرے طرف کرتے ہیں اس میں سے پینٹ کی طرح پانی یا پانی کی طرح نور ہے۔۔۔ میں اس میں پوری سر سے پاوں تک رنگ جاتی ہوں ۔۔۔ آقا کریم صلی اللہ علیہ وآلہ وسلم فرماتے ہیں میں نے تمہیں پہلے ہی رنگ دیا ہے باقی دنیا والے تو بعد میں رنگے گے میرے رنگ میں ۔۔۔ تمہیں دو بار ملا۔۔ اب خوش ہو۔۔۔ تو میں دل میں بس یہ ہی سوچ رہی ہوں کہ مجھے تو آقا کریم صلی اللہ علیہ وآلہ کے مبارک قدموں میں ہمیشہ رہنا ہے زیارت ہوتی رہے تو مجھے سکون ملے۔۔۔ وہ پھر سے بھت زیادہ مسکراتے ہیں جیسے ہلکی سی ہنسی کی آواز بھی آتی ہے اور ویسے ہی آنکھیں مبارک چمکتی ہیں ان کی ۔۔۔ پھر مجھے بلاتے ہیں سب کہ آ جاؤ پر میں ادھر سی نہیں ہلتی کہ مجھے تو آقا کریم صلی اللہ علیہ وآلہ وسلم نے رنگ دیا مجھے اب بس ان کی زیارت ہی کرنی ہے میں نے نہیں جانا کہیں ۔۔۔ میرے پاوں زمین پہ جم جاتے ہیں ۔۔۔ تو پھر وہ ہی قاصد ایک بڑی سی چیز لاتے ہیں ۔۔ اور اس میں سے وہ ہی رنگ مجھ پہ اور وقاص پہ ایک ساتھ ڈالتے ہیں اور پھر سے ہم دونوں اسی نورانی رنگ میں رنگ جاتے ہیں ۔۔۔ ہ

میں ہل بھی نہیں رہی بس آقا کریم صلی اللہ علیہ وآلہ وسلم کو دیکھتی جا رہی ہوں اور وہ ویسے ہی بہت زیادہ خوش ہو رہے ہیں ہم دونوں کو دیکھ کے۔۔۔ پھر کوئی کہتا ہے آج سے تم دونوں آقا کریم صلی اللہ علیہ وآلہ وسلم کے مظہر ہو۔۔۔مرد حضرات کے لئے وقاص اور عورتوں کے لئے تم۔۔۔ تو میں سوچ رہی ہوں مظہر کیا ہوتا ہے۔۔۔ اور میں کیسے ہو سکتی ہوں۔۔۔آقا کریم صلی اللہ علیہ وآلہ وسلم پھر سے تھوڑا ہنستے ہیں ۔۔۔اور مجھے فرماتے ہیں فجر ادا کر لو اٹھو۔۔۔ تو میں  دیکھ رہی ہوں کہ مغرب ہونے والی ہے اور میں جاگ رہی ہوں ۔۔۔ تو آنکھ کھل گئی اور فجر ٹائم ہی تھا۔

Salawaat ‎ﷺ ‏Benefits

📿 Durood Pak

RABI AL-AWWAL GEMS: MAKE SALAWAT!

RABI AL-AWWAL GEMS: MAKE SALAWAT!

O Muslims! We are under obligation as fard al-‘ayn and fard al-wajib to make salawat on Prophet Muhammad (s) every second, but we are not doing it. Allah (swt) ordered us to do it in every breath! Why?

إنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ياأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

Verily, Allah and His angels send praise on the Prophet. O Believers! Pray upon him and greet him with a worthy salutation! (Holy Quran, 33:56)

Allah sends salawat non-stop from Bahr ul-Qudra, the Ocean of Power, and wants to include us in that immense baraka! So #ReadSalawat daily at least a hundred times.

~Shaykh Hisham Kabbani ❤️

Instagram.com/HishamKabbani

📿 Mawlid ‎ﷺQuotes‏

Sayyid Muhammad ibn 'Alawi

Read this miracle that happened during the Mawlid. Sayyid Muhammad ibn 'Alawi said that his grandfather, Sayyid 'Abbas once went to Hebron and he participated in a mawlid there. He saw an elderly and weak 80 year old man who strangely stood throughout the entire mawlid so Sayyid's grandfather asked him about it and he said, 'I use to abuse and mock those who participated in mawlids especially those who stood in mawlids to praise him. One day, I went and I mocked them and called them people of Bid'ah and evil. I fell asleep that night and I saw Rasūlullāh ﷺ enter a gathering of mawlid. Everyone stood for him out of adab but he came to me and said, 'You sit down!' When I woke up I was completely paralysed.

I tried every doctor for a long period but nothing worked until I met the great Palestinian Wali, Shaykh Khalil al-Khalidi who said, 'You've upset Rasūlullāh ﷺ...' So I made promise that I'll never mock those who participate in the mawlid and secondly that I'll stand throughout the mawlid myself.' The old man said, 'The day I sincerely made the promise, I went to sleep and saw the exact same dream with the exact same people. This time, Rasūlullāh ﷺ walked in, came to me and said, 'You can stand for me!' so I stood. By Allāh, I woke up standing and completely cured.'

Rabiul awal Istaqbaal mubarak

مولانا شیخ ناظم عادل الحقانی قدس اللہ سرہ کی سنہری تعلیمات سے آدابِ ماہِ ربیع الاول از شیخ عدنان قدس اللہ سرہ✨🌹

 یہ ایک عظیم الشان مہینہ ہے جس میں ہر روز رحمان کی رحمتوں اور برکتوں کا نزول ہوتا ہے۔  یہ وہ مہینہ ہے جس میں اللہ کے محبوب سرورِ کائنات سیدنا محمد ﷺ کا ظہورِ پرنور ہوا ،یہ رسول اللہ ﷺ کی ولادت کا ماہِ مبارک ہے، جس میں آقا کریم ﷺ نے مدینہ منورہ ہجرت فرمائی اور اسی ماہِ مبارک میں آقا کریم ﷺ اللہ عزوجل کے قرب کے اعلیٰ ترین مقام پہ پہنچے. ۔ آپ ﷺ اس ماہِ مبارک کی بارہویں کو تشریف لائے اور 19 کو آپ ﷺ کا اسمِ مبارک سیدنا و مولانا محمد رکھا گیا۔

 اس ماہ کو باقی مہینوں پر ایسی فضیلت حاصل ہے جیسے رسولِ کریم سیدنا محمد ﷺ کو تمام مخلوق پر ۔ اس ماہِ مبارک کے غیر معمولی  آداب اور اذکار ہیں، اور سالکِ راہ کیلئے اس مہینے کا احترام اور اسکا تقدس قائم رکھنا بہت ضروری ہے۔ اس مہینے میں اللہ عزوجل اور اس کے رسول اللّٰہ ﷺ  کی محبت کے لیے یکم ربیع الاول سے 10 ربیع الثانی تک خلوت اور (خاص طور پر) روحانی پریکٹس کی اجازت ہے جس میں وہ (سالک) مقامِ فنا (فنا فی الرسول) پر پہنچ جائے گا۔

✨ ادب:

1. جس رات  اس ماہِ مبارک کا آغاز ہونا ہو ،عصر اور مغرب کے درمیان مرید کو چاہیے کہ اللہ عزوجل کی خاطر غسل کرے۔

2. بہترین(پاک) لباس پہنیں۔

3. دو رکعت سنت نمازِ تحیة الوضو ادا کریں۔

4. ادب الطريقة کی ادائیگی کریں۔

5. اس کے بعد ، مرحبا اھلا و سھلا کی تلاوت کریں۔لیکن ماہِ مبارک کے وسط میں (15 ویں دن سے آگے ) الوداع الوداع الوداع یا شھر تلاوت کریں۔

6. سلطان الاولیاء شیخ عبد اللہ الفائز الداغستانی (قدس اللہ سرہ) کی عطا کردہ عظیم الشان دعا (دعائے الماثور) پڑھیں۔

 یہ ادب روزانہ ربیع الاول میں جاری رکھیں۔ قرب کے اعلیٰ درجات کے متلاشی مریدین یہ آداب چوبیس گھنٹوں میں، دو بار -

1)  فجر سے پہلے

 2) اور پھر مغرب سے پہلے

 بھی کر سکتے ہیں۔

✨ استقبالِ ماہِ ربیع الاول دعا :

اَعُوْذُ بِاللہ مِنَ الشَّیْطٰنِ الرَّجِیْمِ ۞

بِسْمِ اللہ الرَّحْمٰنِ الرَّحِیْمِ ۞

 مَرْحَبًا أَهْلاً وَسَهْلاً يَا شَهْرُ الامان.

مَرْحَبًا أَهْلاً وَسَهْلاً يَا شَهْرُ الْحبیب. 

مَرْحَبًا أَهْلاً وَسَهْلاً يَا شَهْرُ الْھجرۃ.

مَرْحَبًا أَهْلاً وَسَهْلاً يَا شَهْرُ الْنور.

مَرْحَبًا أَهْلاً وَسَهْلاً يَا شَهْرُ الْدَعْوَةِ.

مَرْحَبًا أَهْلاً وَسَهْلاً يَا شَهْرُ الھِدَایَةِ وَالْإِرْشَادْ.

مَرْحَبًا أَهْلاً وَسَهْلاً يَا شَهْرُ الْنَاجَاة.

مَرْحَبًا أَهْلاً وَسَهْلاً يَا شَهْرُ الجھاد.

مَرْحَبًا أَهْلاً وَسَهْلاً يَا شَهْرَ الْعُصَاةْ.

مَرْحَبًا أَهْلاً وَسَهْلاً يَا شَهْرُ الْفَلَاحْ.

مَرْحَبًا أَهْلاً وَسَهْلاً يَا شَهْرُ الشفاعة. 

مَرْحَبًا أَهْلاً وَسَهْلاً يَا شَهْرُ التلقين.

مَرْحَبًا أَهْلاً وَسَهْلاً يَا شَهْرُ الفقراء. 

مَرْحَبًا أَهْلاً وَسَهْلاً يَا شَهْرُ الاجتماع .

مَرْحَبًا أَهْلاً وَسَهْلاً يَا شَهْرُ الْفیاض.

مَرْحَبًا أَهْلاً وَسَهْلاً يَا شَهْرُ المواحب.

مَرْحَبًا أَهْلاً وَسَهْلاً يَا شَهْرُ العطیہ .

مَرْحَبًا أَهْلاً وَسَهْلاً يَا شَهْرُ الْھمه.

مَرْحَبًا أَهْلاً وَسَهْلاً يَا شَهْرُ الْبشارۃ.

مَرْحَبًا أَهْلاً وَسَهْلاً يَا شَهْرُ الخاتم.

مَرْحَبًا أَهْلاً وَسَهْلاً يَا شَهْرُ الْبر.

مَرْحَبًا أَهْلاً وَسَهْلاً يَا شَهْرُ الولادۃ.

مَرْحَبًا أَهْلاً وَسَهْلاً يَا شَهْرُ الْعنایة والاحسان.

مَرْحَبًا أَهْلاً وَسَهْلاً يَا شَهْرُ الرسالة .

مَرْحَبًا أَهْلاً وَسَهْلاً يَا شَهْرُ القرب.

مَرْحَبًا أَهْلاً وَسَهْلاً يَا شَهْرُ السماع. 

مَرْحَبًا أَهْلاً وَسَهْلاً يَا شَهْرُ الانیس .

مَرْحَبًا أَهْلاً وَسَهْلاً يَا شَهْرُ الملاک.

مَرْحَبًا أَهْلاً وَسَهْلاً يَا شَهْرُ الوداد.

مَرْحَبًا أَهْلاً وَسَهْلاً يَا شَهْرُ البساط .

مَرْحَبًا أَهْلاً وَسَهْلاً يَا شَهْرُ الاجابة.

مَرْحَبًا أَهْلاً وَسَهْلاً يَا شَهْرُ الفناء. 

مَرْحَبًا أَهْلاً وَسَهْلاً يَا شَهْرُ المفتاح.

مَرْحَبًا أَهْلاً وَسَهْلاً يَا شَهْرُ الصبر والثبات. 

مَرْحَبًا أَهْلاً وَسَهْلاً يَا شَهْرُ اللنز والکنوز. 

مَرْحَبًا أَهْلاً وَسَهْلاً يَا شَهْرُ الفتوحات .

مَرْحَبًا أَهْلاً وَسَهْلاً يَا شَهْرُ الظفر.

مَرْحَبًا أَهْلاً وَسَهْلاً يَا شَهْرُ التوبه والقبول .

مَرْحَبًا أَهْلاً وَسَهْلاً يَا سید الشھور. 

لَمْ نَعْرِفْ قَدْرَكَ وَلَمْ نَحْفَظْ حُرْمَتَكَ يَا شَهْرَ الْغُفْرَانْ. 

فَاَرْضِ عَنَّا، وَلَا تَشْكُ مِنَّا اِلَى اَلْرَحْمَنْ، وَكُنْ شَاهِدًا لَنَا بِالْفَضْلِ وَالْإِحْسَانْ.

✨ اوراد

 1. روزانہ سورہ انعام کی تلاوت کریں یا تلاوتِ سورہ انعام کو سنیں۔

2.  حزبِ دلائل الخیرات کی روزانہ تلاوت کریں۔

3. روزانہ قبلہ رو ہو کر سو سے ہزار بار درود شریف، آقا کریم ﷺ کو آپ ﷺ کی آمد کی برکت سے مزین ہونے کی (نیت) سے ھدیہ کریں۔

4. اگر ممکن ہو تو اجتماعی طور پر روزانہ ایک بار گرینڈ شیخ   کا (تعلیم کردہ) میلاد شریف پڑھیں-

5. امام البصیری قدس اللہ سرہ کا قصیدہ حمزیہ پڑھیے۔

6. روزانہ یا کم از کم جمعہ کے دن امام بصیر قدس اللہ سرہ کی قصیدہ مداریہ باجماعت پڑھیں۔

 ✨پیر ، جمعرات اور جمعہ کی راتوں کے لیے ادب:

 ✨ان راتوں میں اجتماعی ذکر(ختم الخواجگان)

سلسلہ نقشبندیہ کے ذکرِ ختم الخواجگان کی تلاوت کریں۔

✨ 12 ربیع الاول کی شب  ، عشاء کی نماز کے بعد اللہ رب العزت اور محبوبِ رب العالمین  سیدنا محمد ﷺ کی محبت کے لیے جمع ہوں اور یوں (محفل کا) آغاز کریں:

1. ادب الطريقة

2. اجتماعی ذکر(ختم الخواجگان)

3. مولد/صلوات (درودوسلام) :نبی کریمﷺ کی حمد کریں/ صلوات / درود شریف پڑھیں۔

4. قصیدہ حمزیہ پڑھیں۔

5. صلوٰۃ التسبیح: چار رکعت نماز صلوٰۃ التسبیح ادا کریں۔

(نقشبندی صوفی ٹریڈیشن بک کا صفحہ نمبر 264 ملاحظہ فرمائیں)

6. صلوٰۃ الشکر : دو رکعت صلوٰۃ الشکر اللہ عزوجل کا شکر ادا کرنے کے لئے(اس عظیم نعمت پر)جو اس نے اپنے فضل سے ہمیں عطا فرمائی۔

 اس مبارک رات میں دائمی نور، ابدی الفت اور لازوال رحمت کے حصول کے لیے اللہ کے حبیب ﷺ پر صلوات اور ذکر کے ساتھ (طلوعِ) فجر تک شب بیداری کرنی چاہیے ، اللہ کے محبوب ﷺ (کی صورت)، اللہ کے اس عظیم احسان پر اللہ کا شکر ادا کرنے کے لیے یوم میلاد کے دن اور اس دن کی رات میں غسل کرنے کی تلقین کی گئی ہے ، شکرانے کی خاطر قربانی کرنا اسے غریبوں کو عطیہ کرنا اور اسے تقسیم کرنا اور رسول اللہ صلی اللہ علیہ وسلم کی خاطر دوسروں کو تقسیم کی ترغیب دینا بھی تجویر کیا گیا ہے۔

 یہ عمل اس دن کرنا بھی قابلِ ستائش ہے جس دن آقا کریم ﷺ کا اسمِ مبارک رکھا گیا۔

7. روزانہ گرینڈ شیخ سلطان الاولیاء شیخ عبد اللہ الفائز الداغستانی (قدس اللہ سرہ) کی نیت یہ پڑھتے ہوئے کریں

نُوَيْتُ الْاَرْبَعِينْ، نُوَيْتُ الْاَعْتِكَافْ، نُوَيْتُ الْخَلْوَةَ، نُوَيْتُ الْعِزْلَة، نُوَيْتُ الرِّيَاضَة،نُوَيْتُ السُّلُوكِ وَالصِیَّام لِلِّہِ تَعَالَيِ اَلْعَظِيمْ فِي هَذَا الْمَسْجِد( فِي هَذَا الْجَامِعْ)

میں نیت کرتا ہوں چالیس (دن کی خلوت) کی ؛ میں اعتکاف کی نیت کرتا ہوں ،  میں خلوت کی نیت کرتا ہوں،  میں عزلت (گوشہ نشینی)  کی نیت کرتا ہوں ، میں  ریاضت نظم و ضبط (انا پر قابو  پانے ) کی نیت  کرتا ہوں ، میں  خدا کی راہ میں سفر کرنے اور روزہ رکھنے کی نیت  کرتا ہوں، اس مسجد میں۔( اس جگہ پر) 

طریقہ نقشبندیہ کے سالکین کے لیے یہ واجب ہے کہ وہ  ان آداب و اوراد کو مخصوص اوقات میں انجام دینے پر ثابت قدم رہیں:

1. قبل از اذانِ فجر (ایک یا دو گھنٹے) تا  اشراق۔

2. بعد از عصر تا مغرب (عصر کی اذان سے مغرب تک) ۔

3. مغرب سے عشاء کے 2 گھنٹے بعد تک۔

السید مولانا شیخ نور جان میر احمدی نقشبندی قدس اللہ سرہ 🙏🏻

Jinaat aur Durood pak درود پاک اور جنات ۔۔۔

درود پاک اور جنات ۔۔۔

درود و سلام کے بارے میں حضرت احمد بِن ثابت رحمتہ اللّٰه علیہ فرماتے ہیں دُرُود و سلام کے فضائل میں سے جو میں نے دیکھے ہیں ایک یہ بھی ہے کہ ایک رات خواب میں کیا دیکھتا ہوں کہ جِنّات کی ایک جماعت کے رُوبرو کھڑا ہوں میں نے ان سے پوچھا تم کہاں سے آئے ہو؟ انہوں نے کسی بُزُرگ کا نام لیا کہ ان کے ہاں سے وہ بُزُرگ ہمارے اہلِ قرابت میں سے تھے میں نے پوچھا تمہارا اِرادہ کہاں کا ہے؟ کہنے لگے

اِن شاءاللّٰه مکّہ مُعظّمہ اور روضۂ نبوی صلی اللّٰه علیہ وآلہ واصحابہ وسلم کا اِرادہ ہے میں نے کہا مجھے بھی اپنے ساتھ لے چلو بولے اگر اِرادہ ہے تو اللّٰه برکت دے گا

میں اُٹھ کھڑا ہُوا اور وہ مجھے لے کر ہوا میں بجلی کی سی تیزی کے ساتھ اُڑنے لگےایک ساعت کے بعد ہم مکّہ میں تھے وہ بولے یہ رہا بَیتُ الحَرام اُنہوں نے طواف کِیا اور میں نے بھی ان کے ہمراہ طواف کِیا پِھر اُنہوں نے اللّٰه عزوَجل کا نام لے کر مجھے ساتھ لیا اور اگلے ہی لمحے ہم لوگ مسجدِ نبوی صلی اللّٰه علیہ وآلہ واصحابہ وسلم میں تھے ہم لوگ بیٹھے ہی تھے کہ ایک خوبصورت شخص ہاتھ میں ایک بڑا برتن جس میں ثَرید یعنی شوربے میں بھگوئی ہوئی روٹی اور شہد لے کر آیا اور کہا شروع کیجیے میں نے اسے کہا میں رسولُ اللّٰه صلی اللّٰه علیہ وآلہ وآلہ واصحابہ وسلم کو دیکھنا چاہتا ہوں اس نے کہا

کھانا کھا لو رسول اللّٰه صلی اللّٰه علیہ وآلہ واصحابہ وسلم بھی تشریف لائیں گے اور اِن شاءاللّٰه تم ان کی زیارت سے بھی مُشرَّف ہو گے میں نے دِل میں کہا

کیسی تَعَجُّب کی بات ہے ابھی میں نے اپنا گھر چھوڑا اور تھوڑی ہی دیر میں مکّہ مُعظّمہ اور روضۂ رسول صلی اللّٰه علیہ وآلہ واصحابہ وسلم کی حاضِری سے مُشرَّف ہو گیا۔مجھے یہ بھی معلوم نہیں کہ جن ساتھیوں نے مجھے اُٹھایا تھا وہ کون لوگ تھے اور ان کا نَسب کیا تھا؟ میں نے ان سے کہا میں تم سے خدائے بُزُرگ و برتر اور اس کے نبی کریم صلی اللّٰه علیہ وآلہ واصحابہ وسلم اور اللّٰه کے نبی حضرت داؤد علیہ السّلام کا واسطہ دے کر سوال کرتا ہوں کہ تمہارا ٹِھکانا کہاں ہے اور تمہارا نَسب کیا ہے؟ اُنہوں نے گردنیں جُھکا لیں اور بولے

ہم ہمیشہ مدینہ مُنوّرہ کے رہنے والے جِنّ ہیں میں نے کہا میں حضور نبی اکرم صلی اللّٰه علیہ وآلہ واصحابہ وسلم کا دِیدار کرنا چاہتا ہوں بولے کھانا کھا لو اِن شاءاللّٰه دِیدار بھی ہو جائے گا میں نے کھانا کھایا،پِھر ہم نِکلے تو کیا دیکھتے ہیں کہ رسول اللّٰه صلی اللّٰه علیہ وآلہ واصحابہ وسلم ایک جماعت کے ہمراہ تشریف لا رہے ہیں اور آپ صلی اللّٰه علیہ وآلہ واصحابہ وسلم کی گردن مُبارک سب سے بُلند ہے اور اپنی گردن مُبارک اور شانۂ اقدس کے لحاظ سے سب پر فائق ہیں جب حضور نبی اکرم صلی اللّٰه علیہ وآلہ واصحابہ وسلم نے مجھے دیکھا تو فرمایا احمد کیا ساری نیکیاں دفعتًہ سمیٹنا چاہتے ہو؟ اپنے نفس پر نرمی کرو تم پر یہی لازِم ہے اور یہ بھی اِرشاد فرمایا مجھ پر کثرت سے دُرُود پڑھا کرو تمہارے لیے بہتری ہی بہتری ہے میں نے عرض کی یارسول اللّٰه صلی اللّٰه علیہ وآلہ واصحابہ وسلم میرے ضامن ہو جائیں

فرمایا مجھ پر دُرُود پڑھنا لازم کر لو جو مانگو گے مِلے گا

سعادۃ الدارین،الباب الرابع فیما ورد من لطائف المرئی و الحکایات،اللطیفة السادسة عشرۃ،صفحہ ۱۳۱ 

فِداک رُوحی و قلبی یاسیدی یارسول اللّٰه صلی اللّٰه علیہ وآلہ واصحابہ وسلم

Durood Pak

درود شریف کی فضیلت*

*🌹بسْــــــــــــــمِ ﷲِالرَّحْمن الرَّحِيم 🌹​*

*درود شریف کی فضیلت*

*موجودہ مادی دور میں انسان کی مصروفیات اس قدر زیادہ ہیں کہ وہ کسی طرف زیادہ* *توجہ نہیں دے سکتا درود پاک کی فضیلت میں قرآن پاک میں اللہ تعالی کا واضح حکم ہے*

*ترجمہ بے شک اللہ تعالی اور اس کے فرشتے نبی پاک صلی اللہ علیہ وسلم پر درود بھیجتے ہیں ہیں اے ایمان والو تم بھی ان پر درود و سلام بھیجو۔*

*قرآنی آیت سے درود شریف کی فضیلت کا آپ خود اندازہ کر سکتے ہیں اور پھر سب سے بڑی فضیلت یہ ہے کہ درود شریف کے بغیر اسلام کا دوسرا رکن یعنی نماز مکمل نہیں ہوتی اور یہ پہلا درود شریف ہے جس میں پہلے حصے میں صلوۃ محمد صلی اللہ علیہ والہ وسلم اور ان کی آل پر بھیجنے کے بعد حضرت ابراہیم علیہ السلام اور ان کی آل پر بھیجی گئی ھے اور دوسرے حصے میں دونوں پیغمبران عظام پر اور ان کی آل پر برکت کے نزول کا تذکرہ ہے۔اس درود پاک کو جس کو ہم درود ابراہیمی کہتے ہیں اس کی بہت فضیلت ہے۔ہر مسلمان کا فرض ہے کہ روزانہ رسول صلی اللہ علیہ والہ وسلم اور ان کی آل پر* *درود بھیجے کیونکہ رسول اللہ صلی اللہ علیہ والہ وسلم نے فرمایا ہے کہ روز قیامت تم میں سے ہر مقام اور ہر جگہ میرے زیادہ قریب وہ ہوگا جس نے تم میں سے مجھ پر اور میری آل پر درود پاک کی کثرت کی ہوگی حضرت مولا علی شیرخدا علیہ السلام نے فرمایا ہے کہ کچھ نوری فرشتے وہ ہیں جو صرف *💫جمعہ کی رات اور جمعہ کے دن زمین پر اترتے ہیں اور ان کے ہاتھ میں سونے کے قلم اور چاندی کی دواتیں اور نور کے کاغذ ہوتے ہیں وہ صرف نبی کریم صلی اللہ علیہ والہ وسلم اور آپ کی آل پر درود شریف پڑھنے والوں کا درود پاک لکھتے ہیں غرض درود پاک کی فضیلت پر بے شمار احادیث اور اقوال صحابہ رضی اللہ تعالی عنہ ہیں جو طوالت کے باعث ہم نہیں دے رہے یوں تو بے شمار درود شریف کتابوں میں مذکور ہیں جن کا اپنا مقام اور فضیلت ہے جیسے درود تاج درود تنجینہ درود ہزارہ درود شفاء ہمارے ہاں درود پاک پر بڑی بڑی کتابیں موجود ہیں جن کے مطالعہ سے مکمل* *رہنمائی حاصل ہوتی ہے دنیا اسم اعظم کی تلاش میں سرگرداں ہے اسی طرح اس دور میں لوگ یہ چاہتے ہیں کہ وقت کی کمی کے باعث مختصر سے مختصر درود شریف ہو جو آسانی سے پڑھا جاسکے اور فضیلتوں درجہ میں سب سے بھاری ہو اور تمام مسائل اور مشکلات کا حل بھی اسی میں ہو اور*

 *وہ درود پاک یہ ہے* 

*(صل اللہ علیہ و آلہ و سلم)* 

*ترجمہ: محمد صلی اللہ علیہ والہ وسلم پر اور آپ کی آل پر اے اللہ اپنی خاص رحمت کا نزول فرما.*

*یہ روح درود ہے اور اس کی سند شیخ سعدی کی یہ رباعی ہے۔۔*

 💞💞💞💞💞

*بلغ العلی بکمالہ*

*کشف الدجا بجمالہ*

*حسنت جمیع خصالہ*

*صلو علیہ وآلہ*  

💞💞💞💞💞💞 

*محبوب کائنات حضرت محمّد مصطفٰی صلی اللہ علیہ وآلہ واصحابہ وسلم کا نام مبارک اتنا بابرکت ہے کہ بنی اِسرائیل کا ایک بدکار شخص جس کو مرنے کے بعد روڑی اور گندگی کے ڈھیر پہ پھینک دیا گیا تھا اللّہ تعالیٰ نے حضرت موسیٰ علیہ السّلام کو حُکم دیا کہ اس شخص کو اُٹھا کر اس کی نمازِ جنازہ پڑھو کیونکہ جب یہ شخص تورات کو پڑھنے کے لیےکھولتا تھا اور میرے محبوب محمد مصطفٰی صلی اللہ علیہ وآلہ واصحابہ وسلم کا نام دیکھتا تو محبّت کے ساتھ چوم لیتا تھا اور درود شریف پڑھتا تھا سبحان اللہﷻ*

*حوالہ* 

*خصائصِ کُبریٰ صفحہ 16 جِلد 1*

چھوٹی دانایاں ‏

آپ روز مجھ سے فارمولا پوچھتے ہیں کہ گُر بتائیں، جاگنے کا نسخہ بتائیں یا وظیفہ بتائیں مگر میں یہ کہتا ہوں کہ اور کچھ نہ کرو، صرف اُمت کی فلاح کے لئے دعا کرو اور کہو کہ یااللّٰه اُمت پریشان ہے، اس پر رحم فرما، یہ حضور پاکﷺ کی اُمت ہے. دعا کرو کہ وہ وقت کبھی نہ آئے جب حضور پاکﷺ کو ہمارے حوالے سے سننا پڑ جائے کہ حضور پاک ﷺ ،کیا یہ آپ ہی کی اُمت ہے؟ تو ہم کیا جواب دیں گے کہ آپﷺ ہی کی امت ہیں۔ میاں محمد صاحب رح نے کہا ہے کہ 

      

  ؎ آکڑ تے مغروری ساری نکل جاوے گی تیری

           جس دن پاک محمدﷺ کیہا اے نئیں اُمت میری

آپ اپنی بڑی " دانائیاں" بند کر دو اور چھوٹی دانائی کے ساتھ چلو۔ چھوٹی دانائی یہ ہے کہ آپ درود شریف پڑھتے جاؤ اور اس اُمت کی فلاح کے لئے دعا کرتے جاؤ۔ اگر اُمت میں ایسا آدمی ہے جس کے اسلام میں کمی بیشی ہے، اسے ایمان کی کمی ہے، عارضہ ہے، تو اسے بھی Accommodate کر لو۔ تو سب کو ساتھ لے چلو۔ اِس کو بھی اور اُس کو بھی ساتھ لے چلو۔ تو ان کے لئے دعا کرو۔ ساری کی ساری اُمت کی مجموعی طور پر فلاح کے لئے آپ دعا کرو۔ آپ اُمت کی دعا کے لیے اگر رات لگا دو تو میں آپ کو یقین سے کہتا ہوں کہ جس کی اُمت ہے وہ آپ کو نظر انداز نہیں کریں گے۔انشاءاللّٰه تعالٰی۔

سرکار حضرت واصف علی واصف رح

کتاب۔ گفتگو 22

صفحہ نمبر 102

70,000 Murdon say Azaab hut gaya

*🌷درود شریف کی برکت سے  ستر ہزار مُردوں کو عذابِ قبر سے رہائی مل گئی* *************************

 ایک عورت حضرت سیدنا خواجہ حسن بصری رضی اللہ عنہ کی خدمت میں حاضر ہوئی اور کہنے لگی میری ایک جوان بیٹی تھی وہ فوت ہو گئی، آپؓ کوئی عمل بتادیں تاکہ میں اسے خواب میں دیکھ لوں، آپؓ نے عمل بتایا اس عورت نے عمل کیا تو خواب میں دیکھا کہ اس کی بیٹی کو تارکول کا لباس پہنا ہوا ہے، اس کی گردن میں زنجیر اور پاؤں میں بیڑیاں ہیں، اس عورت نے سارا خواب حضرت حسن بصری رضی اللہ عنہ کو بتایا تو آپؓ کو بہت غم ہوا، پھر کچھ مدت کے بعد حضرت خواجہ حسن بصری رضی اللہ عنہ نے اس نوجوان لڑکی کو جنت میں دیکھا اس کے سر پر تاج تھا اس نے کہا اے حسن! مجھے پہچانتے نہیں ہو؟ میں اس عورت کی بیٹی ہوں جو آپؓ کے پاس عمل لینے آئی تھی اور یہ بات کی تھی، آپؓ نے پوچھا یہ کیسے ہوا جو میں یہ تم پر انعام دیکھ رہا ہوں، وہ کہنے لگی ایک بار یہاں سے ایک آدمی گزرا اس نے حضور نبی کریم صلی اللہ علیہ وآلہٖ وسلم پر دورد شریف پڑھا اس وقت قبرستان میں ستر ہزار مردوں کو عذاب ہو رہا تھا آواز آئی کے اس آدمی کے درود شریف پڑھنے کی برکت سے ان سب سے عذاب ہٹادو۔

(سعادت الادارین صفحہ 122) 📚

سید جاوید علی جیلانی

‏Durood e ‎Taj

سارے درود شریف ہی نعت کا درجہ رکھتے ہیں، جس پر بھی غور کرو، لگتا ہے، بس یہی سب سے خوبصورت ہے۔ لیکن درود تاج کے ساتھ کچھ زیادہ ہی احساسات جڑے ہوئے ہیں میرے۔ کبھی کبھی تو کچھ ایسا ردھم سا پیدا ہوتا ہے، کہ بس کچھ نہ پوچھئے۔ کسی کسی جگہ تو ایسے کچھ تار سے جھنجھناتے ہیں، کہ لگتا ہے بندہ صاحب درود تاج سے ملاقات کر آیا ہے۔ اپنی آواز اپنی آواز ہی نہیں لگتی۔ 

بڑا کچھ وابستہ ہے میرا درود تاج سے۔ 

میرا بچپن، میری جوانی، میرا بڑھاپا۔ عمر کا کوئی حصہ درود تاج سے خالی نہیں گزرا۔ زندگی کے اچھے برے دنوں میں درود تاج بھی ساتھ رہا ہے میرے۔ 

سارا بچپن امی نے کوئی نیاز دینی، تو حلوہ پکانا۔ روح کیوڑہ اور گری میوہ ڈال کر۔ امی کے چینی کے برتن تھے ایک دو، کاسنی اور گلابی پھولوں والی پلیٹیں، ان میں امی نے حلوہ ڈال کر والد صاحبؒ کے سامنے رکھ دینا، نئے نئے پونے سے ڈھک کر۔ والد صاحبؒ نے ختم پڑھنا، اور سب بچوں نے بیٹھ کر سننا۔ 

درود تاج کے بہت سے الفاظ مجھے انہی سالوں میں یاد ہو گئے تھے۔ صاحب التاج و المعراج و البراق و العلم۔ دافع البلاء و الوباء و القحط و المرض و الالم۔ سید العرب و العجم۔ صاحب الجود و الکرم، محب الفقراء و الغرباء و المساکین۔ ابی القاسم محمد ابن عبداللہ، نور من نور اللہ، نور من نور اللہ، نور من نور اللہ۔ والد صاحبؒ تین بار دہراتے۔ اور پھر یایہا المشتاقون بنور جمالہ، صلوا علیہ و آلہ۔

پھر زندگی نے صفحہ پلٹا، اور والد صاحبؒ کی جگہ پر میں بیٹھا ختم دے رہا تھا، اور میرے بیوی بچے سن رہے تھے۔ زندگی کے پچھلے بیس بائیس سال اسی میں گزر گئے۔ کچھ دن پہلے تو میں اپنے بیٹے سے کہہ رہا تھا، کہ یار ختم یاد کر لو، اسی طرح سے کوئی نیاز دیتے ہوئے پڑھ لیا کرنا۔ 

باہر کہیں ختم پڑھنا ہو تو درود تاج کے بغیر بھی پڑھ لیتا ہوں، لیکن گھر میں درود تاج ضرور پڑھتا ہوں۔ بہت خوبصورت، بہت محبت بھری نعت ہے۔ 

جسمہ مقدس، معطر، مطہر، منور فی البیت و الحرم۔

آج سے اٹھائیس تیس سال پہلے ایک بزرگ سے ملاقات ہوئی، تو انہوں نے اپنے ہاتھ کا لکھا ہوا درود تاج تحفے میں دیا۔ 

”اسے غور سے پڑھو، شمسِ الضحیٰ، بدرِ الدجی، صدرِ العلی، نورِ الہدی، کہفِ الوری، یہ سب زیر سے لکھے ہوئے ہیں، انہیں زیر سے ہی پڑھنا ہے۔ پیش نہیں پڑھنی ان پر“ وہ مسکرا کر بولے۔ 

میں ویسے پیش ہی پڑھتا آیا تھا ان سب پر۔ 

بہرحال، حقیقت تو یہ ہے، کہ آپ صلی اللہ علیہ و آلہ و سلم کے یہ القابات پڑھتے ہوئے، پہلے بھی ایک وجد سا آ جایا کرتا تھا، اور اب بھی آ جاتا ہے۔ 

مصباح الظلم، جمیل الشیم، شفیع الامم، صاحب الجود و الکرم، بندہ کون سے لقب سے لطف اندوز نہ ہو، اور کس پر سبحان اللہ نہ کہے۔ 

سید المرسلین، خاتَمِ النبیین، شفیع المذنبین، انیس الغریبین، رحمۃ للعالمین، راحۃ العاشقین، مراد المشتاقین، 

سچ تو یہ ہے کہ ایک ایک لقب پر دل پھڑکتا ہے، راحۃ العاشقین، مراد المشتاقین۔

میں موت کو بڑا آئیڈیلائز کرتا ہوں۔ میں کہتا ہوں، یا اللہ مجھے خوبصورت موت عطا فرمانا۔ 

اور پھر میرے ذہن میں ایک خوبصورت موت کا تصور گھومتا ہے۔ 

میں نے غسل کرنا ہے، نئے کپڑے پہننے ہیں، خوشبو لگانی ہے، سورہ اسری، اور سورہ طہ پڑھنی ہے، زندگی میں میری آئیڈیل سورتیں، اور درود اکبر پڑھنا ہے۔ میں نے جو قرآن شریف ساری زندگی پڑھا ہے، اسے چومنا ہے، اسے چھاتی سے لگانا ہے، میں نے سہ پہر کی ہلکی پھلکی دھوپ چھاؤں میں عصر پڑھنی ہے،۔۔۔۔۔۔۔۔۔۔۔۔ اور مجھے بہت سی چیزیں یاد آتی ہیں۔ 

وہیں کہیں مجھے ایک سوچ آتی ہے، کہ میں نے درود تاج پڑھنا ہے۔ 

میں سوچتا ہوں مرنے سے پہلے میں نے کیا کیا کام کرنے ہیں، مرنے سے بس چند لمحے پہلے، تو ان میں سے مجھے ایک درود تاج بھی یاد آتا ہے کہیں، کہ مرنے سے پہلے میں نے درود تاج بھی پڑھنا ہے، خوب لطف لے کر۔ میں چاہتا ہوں، مرنے سے پہلے ایک بار، ایک آخری بار، مجھے درود تاج پڑھنے کا موقع مل جائے۔ دنیا میں جن جن چیزوں کو چھوڑ کر جاتے ہوئے، مجھے کچھ دکھ ہو گا، ان میں سے ایک درود تاج بھی ہے۔ کہتے ہیں، درود شریف تو ساتھ ہی جائے گا انسان کے۔ اگر ایسا ہو تو مزہ آ جائے۔ 

سارے ہی درود شریف نعتیں ہیں، حضور صلی اللہ علیہ و آلہ و سلم کی تعریف و ثنا ہیں، لیکن درود تاج کی کیا ہی بات ہے۔ درود تاج لکھنے والے نے تو کمال ہی کر دیا ہے۔

محبت ہی محبت ہے۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔

اللہ تعالیٰ ہم سب کو، سب سے نہیں تو کم از کم کسی ایک درود شریف سے محبت بدرجہ اتم نصیب فرمائے، آمین۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اقتباس (copied)

Durood Pak

Durood e Mustaghaas

میں یونہی معمول کی پوسٹس لکھ رہا تھا، اور کچھ ایسا ہی بے سود سا پڑھ رہا تھا، کہ خیال آیا کوئی درود شریف ہی پڑھ لوں، ایک دم سے طبیعت مائل ہو گئی، ایک ڈاؤنلوڈ کیا ہوا درود شریف کھولا، تو وہ درود مستغاث نکلا، لیکن وہ والا جو میں نے پہلے نہیں پڑھا تھا کبھی، پیر سید محبوب علی شاہ کا مرتب کیا ہوا، 

لکھا تو یہی ہوا تھا، کہ قبلہ رو ہو کر بیٹھوں، باوضو ہو کر پڑھوں، 

لیکن میں نے کہیں پڑھا ہوا تھا، کہ درود شریف بے وضو بھی پڑھو تو قبول ہوتا ہے، 

میں نے اس اندیشے سے کہ کہیں وضو کرنے، اور قبلہ رو ہو کر بیٹھنے میں، یہ دھیان اور احساس ہی زائل نہ ہو جائیں، یہ شوق اور خواہش ہی نہ ختم ہو جائیں، جو اس وقت پیدا ہوئی ہوئی ہیں، بہتر ہے، اسی طرح پڑھ لوں، شمال کی طرف رخ کیے کیے، جیسے بیٹھا ہوا ہوں،  

اور وہی ہوا، میں جوں جوں آگے پڑھتا جاتا، میرا دل متوجہ ہوتا جاتا، 

الحمد للہ الذی زین النبیین بحبیبہ المصطفی، و من علی المومنین بنبیہ المجتبیٰ، 

کیسے خوبصورت الفاظ ہیں، دل کھل سا اٹھتا ہے، 

سانسیں مہکنے لگتی ہیں، 

کیسے خوبصورت اوصاف بیان کیے ہیں آپ صلی اللہ علیہ و آلہ و سلم کے، کیسے خوبصورت القابات لکھے ہیں۔

شفیع اللہ، فاتح اللہ، مطیب اللہ، طاہر اللہ، مطہر اللہ،  

آپ صلی اللہ علیہ و آلہ و سلم کے اسمائے مبارکہ کے ذریعے آپ صلی اللہ علیہ و آلہ و سلم کا اللہ تعالیٰ کا ہاں مرتبہ و مقام، شائد اس سے خوبصورت طریقے سے بیان نہ فرمایا ہو کسی نے۔ 

میں درود مستغاث پڑھتا جاتا، اور دنیا سے ماورا ہوتا جاتا۔ کچھ دیر بعد مجھے یاد ہی نہ رہا میں کہاں بیٹھا ہوں اور کیا کر رہا ہوں۔ 

اس درود پاک کے الفاظ میں جو درد کی کیفیت ہے، وہ ایک وقت آتا ہے جب اتنا گھیر لیتی ہے ہمارے دل و دماغ کو، کہ ہماری آواز بھرا جاتی ہے، اور ہم پر ایک رقت سی طاری ہو جاتی ہے۔ وہی اصل چیز ہے۔ وہ کیفیت ہمارے باطن کو اس طرح سے صاف کر دیتی ہے، جیسے دھو مانج کر برتن صاف کر دیے جاتے ہیں چکنائی اور کالک سے۔ 

اس درود پاک کو طیبہ، طاہرہ، عفیفہ، ام المومنین، سیدہ عائشہ صدیقہ رضی اللہ تعالیٰ عنہا سے منسوب کیا جاتا ہے۔ اور ظاہر ہے ایسے روحانیت سے معمور دل و دماغ سے ادا ہونے والے الفاظ بھلا تاثیر سے بے بہرہ کس طرح ہو سکتے ہیں۔

۔۔۔۔۔۔۔۔۔۔۔۔۔۔۔۔۔ 

خیر، میرے جیسے عام سے قاری کے لئے تو سب سے خوبصورت چیز وہ خواہش ہی تھی، جو بیٹھے بٹھائے مجھے درود شریف پڑھنے کی پیدا ہوئی، جو ایک دم سے درود شریف پڑھنے کی تمنا بن کر میرے دل میں جاگی، کہ میں ابھی اور یہیں بیٹھا بیٹھا، جس حال میں بھی ہوں، کوئی درود شریف پڑھوں، اور پھر آن کی آن میں بہا لے گئی، اور ایسا بہا لے گئی، کہ دیر تک نہ میرا واپس آنے کو دل کیا، اور نہ میں واپس آ سکا۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اللہ تعالیٰ ہمارے دلوں کو درود شریف پڑھنے کی رغبت اور محویت عطا فرمائے، آمین۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

منقول

Durood Pak k Fawaid

🌻درود شریف کے فواٸد🌻

جس گھر میں درود پاک پڑھا جاتا ہے اس گھر میں اللہ کی رحمتوں کا نزول ہوتا ہے 

اور وہ گھر لڑاۓ جھگڑوں سے، فتنے فساد سے،آفات و بلیات سے،مصاٸب و مشکلات سے، جادو سے جنات سے،حاسدوں اور حادثات سے محفوظ رہتا ہے 🌻

دورانِ سفر درود پاک پڑھنے سے سفر خیر و عافیت سے 

گذرتا ہے 🌻

نکاح کے وقت درود پاک پڑھنے سے نکاح بابرکت اور کامیاب رہتا ہے ان کی ازواجی زندگی ہر طرح کے مساٸل سے محفوظ رہتی ہے 🌻

بیماری کے وقت درود پاک پڑھنے سے بیماری سے شفا ملتی ہے تکلیف راحت میں بدل جاتی ہے 🌻

غربت و تنگدستی کے وقت کثرت سے درود پاک پڑھا جاۓ تو کشادگی نصیب ہوتی ہے🌻

مشکل وقت میں درود پاک پڑھنے سے بڑے سے بڑی مشکل ٹل جاتی ہے 🌻

درود شریف پڑھنے والا دشمن کے شر سے حاسدوں کے حسد سے اور غیبت خوروں کی غیبت سے محفوظ رہتا ہے🌻

کھانہ بنانے کے دوران درود پاک پڑھنے سے کھانہ بہت لذیذ بنتا ہے اور اس میں برکت بھی ہوتی ہے🌻

کسی بھی نیک کام سے پہلے درود پاک پڑھا جاۓ تو کامیابی اور ترقی یقینی ہے🌻

صبح اٹھتے ہی درود پاک پڑھا جاۓ تو سارا دن سکون سے گذرتا ہے 🌻

رات کو سوتے وقت درود پاک پڑھنے سے پر سکون نیند آتی ہے اچھے خواب آتے ہیں برے خوابوں سے نجات ملتی ہے🌻

جو ماٸیں اپنے بچوں کو درود پاک پڑھانا سکھاتی ہیں ان کے بچے والدین کے فرماں بردار بھی ہوتے ہیں اور ان شاء اللہ ان کو زندگی میں بہت اعلٰی مقام ملے گا 🌻

جو ٹیچر شاگروں کو باقی سبجیکٹ کے ساتھ درود پاک پڑھنے کی بھی تلقین کرتے ہیں وہ خود بھی کامیاب رہتے ہیں اور ان کے شاگرد بھی کامیاب اور کامران ہوتے ہیں زندگی کی ہر میدان میں 🌻

ڈپریشن کے مریضوں کے لیے درود شریف سب سے بہترین دوا ہے 🌻

گناہوں کی بیماری میں مبتلہ لوگوں کے لیے درود پاک پڑھنا انتہاٸی ضروری ہے کیونکہ درود پاک سے گناہ معاف ہوتے ہیں دل ساتھ ہوتے ہیں 🌻

وہ لوگ جو مایوسی کا شکار ہیں وہ اگر کثرت سے درود پاک پڑھنا شروع کردیں تو ان کی زندگی بدل جاتی ہے 🌻

ہر پل درود پاک پڑھیں لیکن ہر ممکن کوشش کریں درود پاک باوضو بڑھیں اور توجہ کے ساتھ پڑھیں 

کسی گندی اور ناپاک جگاہ پر درود پاک پڑھنا منع ہے